Á laugardaginn aðstoðuðum við Krónuna á Fitjum í Reykjanesbæ við að hita upp verslunina en eins og þjóð veit þá hefur verið hitavatnslaust á svæðinu síðan eldgosið rauf hitavatnslögnina fyrir nokkrum dögum.

Við keyptum öfluga diesel rafstöð sem á að duga til að hita upp verslunina. Rafstöðin er staðsett utandyra og unnið var fram á nótt við að leggja raflagnir inn í húsið og tengja við nokkra öfluga hitablásara.

Nú ætti því að vera kominn ásættanlegur hiti í verslunina og mun rafstöðin vera í notkun þangað til varanleg lausn er komin á hitaveitumál á Reykjanesi.

Þjónusta alla leið

KAPP leggur mikið upp úr þjónustu við viðskiptavini sína og er alltaf á tánum þegar kallið kemur. Okkar slagorð er - þjónusta alla leið - sem þýðir þjónustu allt frá þarfagreiningu og ráðgjöf yfir í vörur, uppsetningu, viðhald og að vera til staðar þegar á reynir.