Íslandsstofa og sendiráð Íslands í Kanada skipuleggja nú viðskiptasendinefnd til Halifax og St. John, 6. og 9. september 2022.

Ferðinn er skipulögð með áherslu á að skapa tækifæri fyrir tæknifyrirtæki í sjávarútvegi á Kanadamarkaði. 

KAPP ehf verður hluti af sendinefndinni og kynnir sína starfsemi með sérstaka áherslu á OptimICE®.

Markmið heimsóknarinnar er að hitta fyrirtæki og stjórnvöld með það fyrir augum að mynda ný viðskiptatengsl, styrkja þau sem fyrir eru og kynna vörur og þjónustu íslenskra sjávartæknifyrirtækja.   

OptimICE hraðkæling

KAPP er framleiðandi á OptimICE krapavélum fyrir sjávarútveginn sem seldar er um allan heim síðan 1999. Söluskrifstofur eru í Bandaríkjunum, Noregi, Frakklandi, Færeyjum, Rússlandi og Mexikó.

OptimICE® er fljótandi krapaís sem framleiddur er úr sjó um borð í skipinu og leysir af hólmi hefðbundinn flöguís. 

Hraðkælingin umlykur fiskinn, kemur honum hratt niður fyrir 0°C og heldur honum í kringum -0,5 °C allan veiðitúrinn, í löndun, í flutningi þvert í kringum landið og allt til endanlegs viðskiptavinar.

Kælikeðjan rofnar því aldrei með OptimICE® hraðkælingu og fiskurinn helst ferskur í hámarksgæðum allan tímann.

Umhverfismál

Umhverfismál eru stór þáttur í starfsemi KAPP þar sem lögð er áhersla á að aðstoða fyrirtæki við að skipta út F-gösum (Freon) í kælikerfum og nota umverfisvænni kælimiðla í staðin eins og ammóníak, Co2 eða rafmagn.

KAPP kolefnisjafnar alla sína starfsemi og meira til með eigin skógi í Fljótshlíðinni.