Á dögunum komu nemendur Fisktækniskóla Íslands í kynningu hjá KAPP.

Hlutverk skólans er að mennta fólk í sjávarútvegi eftir grunnskóla ásamt endurmenntun starfsfólks í sjávarútvegi.

Björn Valur Gíslason, kennari, kom með hóp ungmenna úr skólanum. Þau fóru um fyrirtækið, ræddu við starfsmenn og sáu framleiðsluna. Sérstakan áhuga höfðu þau á framleiðslu OptimICE krapakerfisins sem flestar stærstu útgerðir Íslands og fleiri landa nota til að auka gæði sjávarafurða og auka hillutíma afurða hjá viðskiptavinum.

Að lokum fengu nemendurnir léttar veitingar og hlýddu á nánari kynningu á hinum fjölmörgu deildum KAPP frá Óskari Sveini Friðrikssyni framkvæmdastjóra.